Alas dose
NLM
Dakong alas dose ng hatinggabi
Ako'y nagkubli
Dahil hindi mapakali
Nangangamba sa bawat sandali
Sa dilim, narinig ko
Sa dulo ng aking kwarto
"Tulungan mo ako"
Sino ba iyong naririnig ko?
Nagtaklob ako ng kumot
Dahil sa takot
Katawan ko'y nanlalambot
Paulit-ulit, nakakayamot
"Tulungan mo ako"
Tumatayo na ang balahibo ko
Lubayan mo ako
Bumalik ka sa pinanggalingan mo
Nawala ang bulong
At paghingi ng tulong
Pero ako pa rin ay nagkulong
Sa loob ng kumot at nakikiramdam sa bulong
Umalis ako sa aking pagkubli
Ngunit ako'y nagkamali
Dahil siya'y nasa aking tabi at ako'y napatili
Dakong alas dose ng hatinggabi.
#MidnightPoetry
