Natatakot na ako. Tuwing Sabado ng gabi lagi akong natatakot.
Alam ko talagang dalawa kaming naka-duty sa trabaho kapag Sabado ng gabi, pero bakit parang ako lang mag-isa? May kasama ba talaga ako o wala?
Okay lang ba ako o hindi? Iniisip ko minsan baka baliw na ako eh.
Nangyayari ito tuwing papatak ang alas otso ng gabi, oras na ng shift. Hindi ko talaga alam, pero biglang may magsasabi sa akin ng hello, magandang gabi. Sh*t! Nandyan na siyaaaa! Tumatayo na ang balahibo ko.
Tapos, ito pa ang malupit, katabi ko pa siya! Nagagalit na ako kasi wala naman siyang ginagawa sa aking tabi. Buong gabi akong nagtatrabaho samantalang siya ay naghihilik. Doon talaga ako natatakot, parang katabi ko si Barney na naging zombie.
Hindi ako magpapadala sa aking takot dahil kailangan ko siyang gisingin. Alam kong wala siyang pakiramdam dahil isa na siyang multo, paghihilik lamang ang ginagawa niyang pagpaparamdam.
Pero alam niyo po mga kaibigan, nalilito din po ako. Maski kasi siya na multo, ay natataranta rin dahil sinasabi ko na tama na ang paghihilik at magtrabaho na. Ito po ang tanong ko: ako na tao ay takot sa multo o siya na multo ay takot sa tao?
Yun lamang po. Ngayon ko lang po napagtanto ang literal na ibig sabihin ng 'ghost employee'.
No comments:
Post a Comment